Armend Aliu, personi që qëndron pas shumë sukseseve të partisë APN, që udhëhiqet nga Shqipërim Arifi, i ka ndarë rrugët me partnerin e dikurshëm. Në një kohë rekord , Aliu mbodhi nënshkrimet dhe pritet të konkurojë seriozisht në zgjedhjet që do mbahen brenda një muaji.
Ndryshe Aliu, aktualisht është nënkryetari i Preshevës dhe ishte partneri kryesor i Shqiprim Arifit.
Postimi i plotë i Aliut në "Facebook"
Të dashur qytetarë të Komunës së Preshevës,
Alternativa Demokratike Shqiptare sot përfundoi procesin e mbledhjes së nënshkrimeve.
Faleminderit shumë për përkrahjen e juaj!
Faleminderit të gjithë aktivistëve që u siguruan për një mbarëvajtje të lehtë të këtij procesi administrativ.
Përkrahja juaj e madhe, na motivon edhe më shumë për punën tonë.
Do të informoheni me kohë për finalizimin e të gjitha veprimeve për dorëzim të listës sonë për pjesëmarrje në zgjedhje.
Kështu ju duam edhe në fushatë, edhe ditën e zgjedhjeve, të qetë, të sigurt dhe me parime demokratike!
Ditët në vijim vazhdojmë me prezantimin e kandidatëve për këshilltarë dhe pjesë të programit.
FALEMINDERIT!
Armend Aliu
Alternativa Demokratike Shqiptare
