Ish-ministrja “deshifron” vizitën e kryediplomatit gjerman në Kosovë

Aktuale

Ish-ministrja “deshifron” vizitën e kryediplomatit gjerman në Kosovë

Më: 22 prill 2021 Në ora: 23:37
Heiko Maas dhe Meliza Haradinaj-Stublla

Ish-ministrja Meliza Haradinaj-Stublla, ka deshifruar vizitën e kryediplomatit gjerman në Kosovë.

Ajo ka shkruar për tri mesazhet e kryediplomatit gjerman, Heiko Maas mes rreshtash.

Reagimi i saj:

Deklarata 1: “Kosova i ka përmbushur të gjitha kriteret për liberalizimin e vizave. Tani është kryesisht çështje kredibiliteti që si BE të mbajmë premtimin tonë.”

Mesazhi 1: Mungesa e liberalizimit të vizave NUK është as faji as detyra e Gjermanisë. Kosova duhet të punojë vetë për t’i bindur shtetet skeptike të BE-së.

Deklarata 2: “Njohja e Kosovës nga Serbia do të jetë element në dialog, palët duhet të jenë të gatshme për kompromise. Ideja e ndryshimit të kufijve në Ballkan do të mbetet në dosjet e së kaluarës.”

Mesazhi 2: Njohja e Kosovës është kompromisi që do të bëjë Serbia. Kompromisin që duhet të bëjë Kosova, do ta them nesër gjatë vizitës në Serbi. Ky kompromis NUK është ndryshimi i kufijve!

Deklarata 3: “Procesi i Berlinit mbetet agjenda më e rëndësishme për rritjen e bashkëpunimit mes shteteve të Ballkanit Perëndimor.”

Mesazhi 3: Ideja e ‘Minishengenit’ është replikim i Procesit të Berlinit, dhe si e tillë, e padobishme.

commentFirst article
Sot mund të lexoni Shfletoni kopertinat