Sulmi me armë zjarri në Zubin Potok, reagon ashpër presidentja Osmani – kjo është thirrja e saj për organet e rendit

Aktuale

Sulmi me armë zjarri në Zubin Potok, reagon ashpër presidentja Osmani – kjo është thirrja e saj për organet e rendit

Nga: N. H Më: 9 maj 2021 Në ora: 15:59
Vjosa Osmani

Një grupi prej mbi 50 personave nga “Kosovo Mountain Club” të cilët për sot kishin planifikuar ecjen në malet e Zubin Potokut, iu ndërpre në gjysmë ky udhëtim pas një incidenti që u ndodhi.

Dy persona të panjohur kanë shtënë me armë zjarri në afërsi të tyre, duke bërë që ky grup të ktheheshin mbrapa.

Në lidhje me këtë rast, ka reaguar edhe presidentja e Kosovës, Vjosa Osmani, shkruan “Bota sot”.

Osmani përmes një shkrimi në llogarinë e saj në Facebook, ka dënuar sulmin e armatosur, gjersa ka ftuar organet e rendit dhe hetuesisë që të vazhdojnë punën në mënyrë që sa më parë të zbulojnë dhe dënojnë autorët e këtij akti kriminal.

Ja shkrimi i Osmanit:

Dënoj sulmin e armatosur ndaj grupit të të rinjve nga “Kosova Mountain Club” në malet afër Zubin Potokut.

Çdo qytetar i Republikës së Kosovës duhet të ndihet i lirë dhe i sigurt gjatë lëvizjes në secilën pjesë të territorit të Kosovës.

Ftoj organet e rendit dhe hetuesisë që të vazhdojnë punën në mënyrë që sa më parë të zbulojnë dhe dënojnë autorët e këtij akti kriminal që synon përhapjen e frikës dhe ndjenjës së pasigurisë në atë pjesë të vendit tonë.

 

Dënoj sulmin e armatosur ndaj grupit të të rinjve nga “Kosova Mountain Club” në malet afër Zubin Potokut. Çdo qytetar i...

Posted by Vjosa Osmani on E diel, 9 Maj 2021
Shfaq komentet
comments powered by Disqus
Sot mund të lexoni Shfletoni kopertinat