Haradinaj i bën thirrje Qeverisë: Urgjentisht të nis përkrahjen për prodhuesit vendorë dhe eksportuesit

Aktuale

Haradinaj i bën thirrje Qeverisë: Urgjentisht të nis përkrahjen për prodhuesit vendorë dhe eksportuesit

Nga: A.SH Më: 11 maj 2021 Në ora: 14:26
Ramush Haradinaj

Kryetari i AAK-së, Ramush Haradinaj i ka bërë thirrje Qeverisë së vendit që urgjentisht të nis përkrahjen për prodhuesit vendor.

“Është e domosdoshme që qeveria të ndërmarrë veprime konkrete për të ndalur thellimin e deficitit të bilancit tregëtar, përmes përkrahjes direkte të prodhuesve vendor, veçanërisht të eksportuesve”, ka shkruar Haradinaj në Facebook.

Postimi në Facebook:

Të dashur qytetarë,

Ekonomia e vendit kërkon vëmendje të përhershme. Është e domosdoshme që qeveria të ndërmarrë veprime konkrete për të ndalur thellimin e deficitit të bilancit tregëtar, përmes përkrahjes direkte të prodhuesve vendor, veçanërisht të eksportuesve.

Të dhënat nga Agjencia e Statistikave të Kosovës, për Tregëtinë e Jashtme të Mallërave në Kosovë, për muajin mars 2021, tregojnë për rritje të deficitit tregëtar në shkallë 45.8% në krahasim me periudhën e njëjtë të vitit të kaluar. Deficiti i cili në marsin e kaluar ka qenë 219.9 milionë euro, në marsin e këtij viti ka arritur në 320.7 milionë.

Thellimi i mëtutjeshëm i raportit të tregëtisë së jashtme në disfavor të eksportit, është rrënim i atyre pak të arriturave të deritashme dhe kthim i ekonomisë së Kosovës në pikën zero.

Andaj, e ripërsëris që qeveria urgjentisht të nis përkrahjen për prodhuesit vendorë dhe eksportuesit.

RH

commentFirst article
Sot mund të lexoni Shfletoni kopertinat