Çun Lajçi godet komandantët që blenë tokat 3.50 euro arin: Unë fatziu kujtojsha që ...

Aktuale

Çun Lajçi godet komandantët që blenë tokat 3.50 euro arin: Unë fatziu kujtojsha që ...

Nga: A.Zh Më: 28 maj 2021 Në ora: 17:27
Çun Lajçi

Aktori dhe shkrimtari Çun Lajçi, ka folur pas vendimit të Kuvendit të Kosovës, për shuarjen e Bordit të Agjencisë Kosovare të Privatizimit (AKP).

Ai ka kritikuar komandantët për blerje të tokave me 3.50 euro arin, përcjell Bota sot.

Lajçi ka thënë se babai i tij nuk ishte i “pasur”, siç po pretendojnë komandantët për baballarët e tyre.

Reagimi i Lajçit në Facebook:

Më n’fund e kuptova

Pse duhet, jo, s’duhet shua AKP-ja!

Se sot interneti qenka përplot çlirimtarë e komandantë.

Jo ata që po gjykohen për fajet tona, jo, po me këta që nga AKP-ja i paskan ble tokat tona për 3.50€ arin!

E unë fatziu i dashunuem n’plisin e dheut tim, kujtojsha se komandantët kanë pushkë e fishekë, kanë miliona zemra, por s’kanë pare për 200 e 250 hektarë tokë!

Po jo, ata po thonë babat i kemi pas t’pasun! E babat,(si ai i imi) kurrë s’punuen e kurrë pare s’paten!?

Eh sa naiv isha dikur e sa vonë e kuptova, se liria s’erdhi për secilin njësoj!

Sot kur i lexova emrat e tyre thashë: Ku ishin këta pasanikët që s’blenë si këta, apo edhe aty vlente vija e kuqe: Rri, mos e prek!

commentFirst article
Sot mund të lexoni Shfletoni kopertinat