Kryetari i Kuvendi të Serbisë, Ivica Daçiq, ka bërë të ditur se kurrë nuk do të vendosin sanksione ndaj “mikut të tyre”, Rusisë edhe përkundër presioneve të shumta që kanë për këtë.
“Rusia është aleati më me ndikim në ruajtjen e integritetit dhe sovranitetit tonë territorial në Kosovë”, ka thënë Daçiq, sot në konferencën “Rusia në Ballkan”.
Ai ka deklaruar se mbështetja nga Rusia dhe Kina e shtynë Serbinë të ju bëjë ballë presioneve nga shtetet ndërkombëtare.
Daçiq ka theksuar se BE-ja është një nga përparësitë e politikës së jashtme të Serbisë, duke shtuar se kjo nuk do të ndikojë në marrëdhëniet e Serbi-Rusi.
