Nura i PDK-së fton qytetarët t’i thonë jo taksës së Kurtit

Aktuale

Nura i PDK-së fton qytetarët t’i thonë jo taksës së Kurtit

Më: 16 korrik 2021 Në ora: 10:37
Fadil Nura

Seanca e sotme e Kuvendit të Kosovës ka nisur me diskutime për taksën prej 5 eurosh të vendosur nga ministria e Infrastrukturës për regjistrim të automjeteve.

Deputeti i PDK-së, Fadil Nura tha se  ky vendim po merret nga terrasat luksoze të Greqisë tek lagja Marigona.

“Fermerët tanë kanë mbetur për gjynah, pa përkrahje e pa mbështetje. Sot kulmoi me vendimin skandaloz me vënien e një barre prej pesë eurosh për regjistrimin e automjeteve që pasqyron marrëzinë e kësaj qeverie. Nga terrasat luksoze nga Greqia tek lagja Marigona nxjerrin kësi vendime”, tha ai.

Ai bëri thirrje që prokuroria të veprojë në këtë rast, duke ftuar qytetarët t’i thonë jo kësaj takse që ai e quajti “plaçkitëse të Kurtit”.

“Mendësinë e tillë të mashtrimit e hajnisë po e shohim të shfaqur nga e njëjta shkurrë udhëheqjeje që e kishin nisur me kifle e qumësht, e tash po e përfundojnë në prehrin e oligarkëve. Thoni ju kësaj takse plaçkitëse të Kurtit. Ftoj prokurorinë të veprojë ngase e ka obligim të mbrojë qytetarët nga një hajni e tillë masive”, tha ai.

commentFirst article
Sot mund të lexoni Shfletoni kopertinat