​Hajdari: Kosova dhe Hungaria me bashkëpunim ekonomik, takimi në 2022

Aktuale

​Hajdari: Kosova dhe Hungaria me bashkëpunim ekonomik, takimi në 2022

Më: 23 tetor 2021 Në ora: 22:16
Foto nga takimi

Ministria e Industrisë, Ndërmarrësisë dhe Tregtisë, Rozeta Hajdari duke uruar ditën e Republikës së Hungarisë, ka thënë se Qeveria e Kosovës në bashkëkryesim me Qeverinë e Hungarisë, janë në përgatitje të takimit të komisionit të përbashkët për bashkëpunim ekonomik, që do të mbahet në gjysmën e dytë të vitit 2022.

Sipas saj, qëllimi i këtij bashkëpunimi është për të shtyrë projektet e tanishme në fushat e menaxhimi të ujit dhe bujqësisë, sigurisë së transportit, arsimit, kulturës dhe sportit, si dhe për të vendosur në fushat dhe projektet e reja më premtuese për zhvillimin e bashkëpunimit ekonomik midis dy vendeve.

Postimi i plotë i ministres Rozeta Hajdari:

23 Tetori, Dita e Republikës së Hungarisë

Kjo ditë nderohet për tu përkujtuar dy ngjarje të mëdha në historinë e Hungarisë, së pari kur populli i Hungarisë u ngrit kundër Bashkimit Sovjetik dhe së dyti krijimi i Hungarisë në vitin 1989.

Shteti i Hungarisë njohu Kosovën si shtet më 19 mars të vitit 2008, ndërkohë vazhdon ta përkrahë Kosovën në mënyrë të vazhdueshme përmes projekteve të shumta. Hungaria përkrahë liberalizimin e vizave për Kosovën, antarësimin në organizatat multilaterale dhe në procesin e integrimit të shtetit të Kosovës në Bashkimin Europian.

Ndërsa në fushën e bashkëpunimit ekonomik, si Qeveri e Kosovës në bashkëkryesim me Qeverinë e Hungarisë, jemi në përgaditje të Takimit të Komisionit të Perbashkët për Bashkëpunim Ekonomik, që do të mbahet në gjysmën e dytë të vitit 2022, për të shtyer projektet e tanishme në fushat e menaxhimi të ujit dhe bujqësisë, sigurisë së transportit, arsimit, kulturës dhe sportit, si dhe për të vendosur në fushat dhe projektet e reja më premtuese për zhvillimin e bashkëpunimit ekonomik midis dy vendeve.

Urime dita e Republikës Hungari, shteti mik i Kosovës!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat