Kreu i Degës së Lidhjes Demokratike të Kosovës në Prizren, deputeti Anton Quni ka thënë se “nuk ka kohë” të komentojë deklarimet e Haxhi Avdylit të Listës Guxo, i cili tha se votat e “disa rugovistëve” përcaktuan fitoren e Shaqir Totajt të PDK-së në Prizren.
Quni, në një prononcim nuk dëshiroi të komentojë deklaratën e Avdylit.
“Fare s’kam vullnet me humbë kohë e me komentu deklarimet e tilla”, ka thënë Quni.
Lexo edhe këtë: Çuditet Haxhi Avdyli me këta persona që i ndihmuan PDK-së të fitojë në Prizren kundër LVV-së
Ndërkaq, Avdyli tha se “disa rugosvistë dhe po ashtu aktivistë të LVV-së” janë dy grupacionet politike që bashkëpunuan me koalicionin PDK-AAK-NISMA, për ta mposhtur Mytaher Haskukën, kandidatin e LVV-së për kryetar të Prizrenit.
Avdyli, tha se raundi i dytë i zgjedhjeve lokale dëshmoi për koalicionin e të gjithëve kundër Haskukës në Komunën e Prizrenit.
Ai u shpreh se do t’i bëjë opozitën pushtetit të ri në Komunën e Prizrenit, për të cilin shprehu dyshimet e tij.
