Dyshohet se ky është motivi i sulmit me automatik në Gllogjan

Aktuale

Dyshohet se ky është motivi i sulmit me automatik në Gllogjan

Nga: A.ZH Më: 26 nëntor 2021 Në ora: 21:54
Pamje nga vendi i ngjarjes

Tre persona kanë vdekur dhe një person është plagosur pasi një person i maskuar ka sulmuar me automatik autobusin me nxënës në fshatin Gllogjan.

I vrarë në vend ka mbetur shoferi i autobusit dhe dy nxënës, të cilët janë dërguar pa shenja jete në spital.

Dyshohet se motivi i ngjarjes tragjike ishin mosmarrëveshjet që kishin mes vete pronarët e kompanive të autobusëve.

Përkundër informacioneve të dala se numri i të vrarëve ka arritur në katër, zëdhënësi i Policisë së Kosovës për rajonin e Pejës, Fadil Gashi ka thënë se si pasojë e sulmit me armë të një autobusi në fshatin Gllogjan, tre persona kanë vdekur, si dhe një tjetër është plagosur.

Sipas tij, i plagosuri është jashtë rrezikut për jetë./Botasot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat