A mund të ashpërsohen masat anti-Covid në Kosovë?

Aktuale

A mund të ashpërsohen masat anti-Covid në Kosovë?

Më: 6 dhjetor 2021 Në ora: 06:14
Rifat Latifi

Ministri i ri i Shëndetësisë, Rifat Latifi në një konferencë për media gjatë së dielës, ka treguar se nga e hëna do të hyjnë në fuqi masat e reja anti-Covid. 

Ai nuk ka përjashtuar mundësinë që kufizimet të ashpërsohen, në varësi të situatës me pandeminë.

Latifi ka bërë të ditur se do të ketë masa të reja anti-Covid për ata që hynë në territorin e Kosovës.

Masat e reja janë këto:

1.Të gjithë personat duhet të kenë ceritifkatën e vaksinimit, kush ka një dozë, duhet të ketë testin se e ka kaluar Covidin.

2. Nga 3 janari, do të vlejë vetëm dëshmia e vaksinimit të plotë.

3. Për të evituar ngarkesën spitalore, mbylljen e shkollave, ekonomisë, udhëtarët që përdorin transportin publik dhe privat, nxënësit, shfrytëzuesit e qendrave tregtare, duhet t’u kërkohet vaksinimi i plotë, i pjesshëm por edhe testi PCR.

Latifi po ashtu nuk ka përjashtuar mundësinë për vendosjen e masave të reja.

“Masat e ndërmarra në afate kohore shërbejnë që të parandalohet dhe të kontrollohet Covidi në Kosovë, por nuk përjashtojnë marrjen e masave të reja në varësi të situatës”, ka thënë ai.

Në konferencë ka marrë pjesë edhe kryeministri Albin Kurti.

Ky i fundit ka thënë se Kosova pritet të përballet me katër rreziqe rreth Covid, një ndër to edhe varianti “Omicron”.

comment Për komente lëvizni më poshtë
Sot mund të lexoni Shfletoni kopertinat