Jusuf Buxhovi ndez alarmin për shqiptarët/ Nëse ndodhë kjo, i hapen dyert Serbisë së Madhe - Ky shtet destabilizon Shqipërinë

Aktuale

Jusuf Buxhovi ndez alarmin për shqiptarët/ Nëse ndodhë kjo, i hapen dyert Serbisë së Madhe - Ky shtet destabilizon Shqipërinë

Nga: P.R Më: 6 dhjetor 2021 Në ora: 20:13
Jusuf Buxhovi

Historiani Jusuf Buxhovi, në një intervistë të dhënë kohë më parë, kishte komentuar temën për korrigjimin e kufijve, temë të cilën deri në momentin e fundit të dorëheqjes nga posti i presidentit, Hashim Thaçi tentoi ta realizojë më bashkëpunim me presidentin serb, Aleksandër Vuçiq.

Sipas tij, korrigjimi i kufijve të Kosovës kishe dalur si nismë e Hashim Thaçit, gjatë kohës sa kishte qenë president.

“Korrigjimi i kufijve, ashtu si doli dhe si po rrjedhin punët, pra si nismë e Thaçit (nga ndonjë shtysë e jashtme ose për t’i ikur Hagës krejt një), sfidon shtetin e Kosovës si dhe konsolidimin e tij nga brenda, pra nga presidenti që është i obliguar me kushtetutë të mbrojë! Pavarësisht atyre që sot thuhen, edhe nga Uashingtoni (të shumtën nga lobi serb) rreth domosdosë, që Kosova të arrijë “një pajtim historik me Serbinë” e të ngjashme që edhe mund të duken të kapshme për nomenklaturat e caktuara ndërkombëtare, hapja e bisedimeve të tilla me Beogradin si dhe mënyra si ato po zhvillohen (nën plaf dhe pa platformë parlamentare e sidomos pa praninë e faktorit ndërkombëtar), e gjitha duket se është pjesë e platformës serbo-ruse për ta kthyer çështjen e shtetit të Kosovës te një “pikë zëro”, pra që t’i kontestohet legjitimiteti dhe mundësisht edhe statusi, me çka hapen çështjet që atë e kthejnë në pazar një përpjekje shekullore që u kurorëzua edhe me ndihmën e Perëndimorëve, të cilët hodhën edhe bomba që atë ta nxjerrin nga pushtimi serb”, ishte shprehur Buxhovi, përcjellë “Bota sot”.

Sipas tij, nëse do të ndodhte korrigjimi i kufijve, atëherë kjo ia hap dyert Serbisë së Madhe.

“Ajo që mund të ketë pasoja edhe më të rënda për vetë çështjen shqiptare në përgjithësi dhe rajonin madje, është se Serbia, po qe se do t’ia del që ta rishikojë statusin e Kosovës me anën “e korrigjimeve” të cilave assesi nuk mund t’u besohet kur dihen dredhitë e tyre, atëherë ia hap dyert Serbisë së Madhe, që domodoshmërisht prek Bosnjën dhe Malin e Zi, po edhe Maqedoninë, paçka se Mali i Zi është anëtare e NATO-s dhe pritet që së shpejti këtë ta arrijë edhe Maqedonia”, deklaronte kohë më parë Buxhovi.

Më tej, ai kishte thënë se pasojat do të jenë më të dëmshme për Kosovën dhe shqiptarët në përgjithësi në rast të rishikimit të kufijve të Ballkanit.

“Sado që domino efekti mund të elaborohet shumë e shumë, por pasojat do të jenë më të dëmshme për Kosovën dhe shqiptarët në përgjithësi, ngaqë apetite e Beogradit, historikisht shkojnë me rritjen e apetiteve të Moskës për zgjerim të ndikimit në rajon dhe më gjerë, siç shkojnë edhe ato të Grekëve, që mund të destabilizojnë edhe Shqipërinë me anën e autonomisë së Vori Epirit dhe të ngjashme”, kishte deklaruar historiani Jusuf Buxhovi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat