Ngjarja tragjike në Gjermani, familja kërkon obduksion edhe në Kosovë për Flamur Rexhajn, ka disa dyshime

Aktuale

Ngjarja tragjike në Gjermani, familja kërkon obduksion edhe në Kosovë për Flamur Rexhajn, ka disa dyshime

Më: 31 dhjetor 2021 Në ora: 21:31
Zenel Rexhaj

Dhjetori ishte kthyer në natë tmerri për familjen Rexha që po jetonin në Gjermani. Kjo pasi dyshohet se kryefamiljari Flamur Rexhaj kishte vrarë dy djemtë e tij derisa gruaja ka arritur të mbijetojë pavarësisht plagëve të marra dhe në fund kishte vrarë veten.

Për se kanë ardhur këto vdekje në këtë formë, ka dyshime vëllai i Flamur Rexhës, Zenel Rexhaj, madje ai ka kërkuar që atij t’i bëhet obduksioni edhe në Kosovë, pasi trupi i Flamur Rexhës këtë të premte ka arritur në Kosovë.

“Kemi lajmëruar rastin në polici pasi kufoma vetëm kishte arritur në aeroport. Përmes telefonit kanë folur me një prokuror i cili kishte refuzuar obduksionin me arsyetimin se nuk ka nevojë pasi ai është kryer në Gjermani. Por ne si familjarë kemi dyshime pasi atje nuk na kanë treguar asgjë dhe duam të dimë saktësisht çfarë ka ndodhur”, shprehet pvëllai i Flamur Rexhës, Zenel Rexhaj.

Rexha tregon dyshimet që ka në lidhje me obduksionin e kryer nga autoritetet gjermane, përcjell Telegrafi.

“Supozohet se vëllai e ka bërë këtë ngjarje. Por kur iu bërë pyetjen se ku i kanë pasur plumbat viktimat ata thanë se dy fëmijët i kanë pasur në kokë nga një plumb derisa për vëllain nuk më treguan se ku e kishte goditur plumbi”.

Rexhaj tregon edhe për raportet e vëllait me familjarët tashmë të ndjerë.

“Kanë pasur ndonjëherë mosmarrëveshje, por vëllai ka qenë shumë i lidhur me femijët dhe nuk besoj se ka mundur ta kryet atë akt. Edhe nëse do të kishte vrarë veten, fëmijët jo”, ka rrëfyer tutje Zenel Rexhaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat