Sveçla e njofton ambasadorin amerikan me prioritetet e Qeverisë dhe MPB-së

Aktuale

Sveçla e njofton ambasadorin amerikan me prioritetet e Qeverisë dhe MPB-së

Më: 19 janar 2022 Në ora: 16:33
Ministri Xhelal Sveçla, sot është takuar me ambasadorin amerikan në Kosovë, Jeffrey Hovenier

Ministri i Punëve të Brendshme, Xhelal Sveçla, sot është takuar me ambasadorin amerikan në Kosovë, Jeffrey Hovenier, me të cilin ka biseduar për prioritetet e qeverisë dhe ministrisë.

Në njoftimin e lëshuar nga MPB-ja thuhet se është diskutuar gjithashtu edhe për rëndësinë e sundimit të ligjit, si dhe nevojën për reforma në Policinë e Kosovës dhe administratën publike.

Sveçla falënderoi Hovenier për mbështetjen e vazhdueshme dhe vuri në dukje se SHBA-të janë partner strategjik i pazëvendësueshëm i Kosovës.

Ai theksoi se është i përkushtuar që të punojë ngushtë me qëllim të forcimit të kapaciteteve të sundimit të ligjit në Kosovë, sidomos të agjencive të MPB-së, për ofrimin e sigurisë për të gjithë qytetarët pa dallim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat