Shtrenjtimi i energjisë, reagon ashpër Rron Gjinovci: Kjo është zhvatje, plaçkitje, nuk është kriza jonë

Aktuale

Shtrenjtimi i energjisë, reagon ashpër Rron Gjinovci: Kjo është zhvatje, plaçkitje, nuk është kriza jonë

Nga: A.ZH Më: 19 janar 2022 Në ora: 19:26
Rron Gjinovci

Aktivisti i shoqërisë civile Rron Gjinovci, i ka reaguar qeverisë së Kosovës, pas paralajmërimit për shtrenjtim të energjisë elektrike.

Ai ka thënë se kjo është zhvatje dhe plaçkitje e publikes për interes të privatit, përcjell Bota sot.

Sipas Gjinovcit, kjo është krizë e privatit dhe jo e qytetarëve të Kosovës.

Reafimi i tij i plotë në Facebook:

Kjo nuk është kriza jonë.

Kur e privatizun, na thanë "çka po na duhet, veç probleme po na sjellë". E falën 26 milionë, filloj me prodhu profit rreth 18 milionë çdo vjet, kurrë s'tha kush "po fiton shumë". Mirë boll, ata fitojshin na kishim rrymë. Dmth na kishin pas rrejtë që nuk mundet me fitu po ia bonëm hallall. Filloj kriza globale, u lajmërun, thanë: "humbjet duhet me i nda bashkë". Qeveria me pare tonat ia mbuloi ni pjesë, na do t'ja mbulojmë tjetrën me çmime të rrituna. Dy herë me pare tona, kriza e tyne u ba kriza jonë.

Po fitimi kur ta kenë prapë do t'jetë veç i tyne. 

Ky nuk është kapitalizëm, as treg i lirë. Kjo është zhvatje, plaçkitje, e publikes për interes të privatit. Kjo është garanci publike për rreziqet e privatit. Kur privati ka krizë, ajo bëhet e jona, kur ka profit, është i tij. Kjo nuk është kriza jonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat