Ish-ministri Rrahmani: Kërkesa për deklarim të pasurisë, goditje në dinjitetin e mjekëve

Aktuale

Ish-ministri Rrahmani: Kërkesa për deklarim të pasurisë, goditje në dinjitetin e mjekëve

Më: 20 janar 2022 Në ora: 18:51
Imet Rrahmani

Qeveria e Kosovës, ditë më parë ka miratuar kërkesën  e Ministrisë së Drejtësisë që në listën e zyrtarëve publik që  e deklarojnë pasurinë të përfshihen edhe mjekët e licencuar të sektorit publik, si dhe profesorët e Universiteteve publike.

Megjithatë, ish-ministrit i Shëndetësisë, Imet Rrahmani, këtë vendim e ka cilësuar si goditje në dinjitetin e mantelbardhve.

“Deklarimi selektiv i pasurisë vetëm për mjek është goditje direkte në dinjitet, që veç me u menduar është e rëndë e lere më me e realizu”, ka potencuar Rrahmani.

Ai tha se Qeveria është treguar mosmirënjohëse ndaj mjekëve edhe kur ta vendosur t’ua zvogëloj shtesat në kulmin e pandemisë.

“Pastaj zvogëlimi i shtesave në pandemi është argument që dëshmon mosmirënjohjen e kësaj Qeverie për angazhimin dhe sakrificën e mantelbardhëve në periudhën më të rënd pas luftës”, ka përfunduar Rrahmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat