Ndaloi mbajtjen e referendumit të Serbisë në Kosovë, Kurtit i vjen përkrahje nga Amerika

Aktuale

Ndaloi mbajtjen e referendumit të Serbisë në Kosovë, Kurtit i vjen përkrahje nga Amerika

Nga: A.ZH Më: 22 janar 2022 Në ora: 14:10
Seanca e parlamentit kundër mbajtjes së referendumit të Serbisë në territorin e Kosovës 

Profesori dhe eksperti amerikan për politikën dhe çështjet e Ballkanit në Universitetin e Nju Jorkut, Alon Ben-Meir, ka shprehur përkrahjen e tij për kryeministrin e Kosovës Albin Kurti, i cili ka kundërshtuar mbajtjen e referendumit të Serbisë në Kosovë.

Ben-Meir ka thënë se qëndrimi i Kurtit është i saktë, pasi praktikat e kaluara për lejimin e referendumeve të Serbisë në Kosovë, nuk duhet të vazhdojnë, përcjell Bota sot.

"Besoj se qëndrimi i kryeministrit Kurti për çështjen e referendumit të Serbisë brenda Kosovës është i saktë. Siç tha ai, “Referendumi në territorin sovran të një shteti tjetër nuk është praktikë e pranuar nga një vend demokratik”. Edhe pse kjo ka qenë praktikë më parë, kjo nuk sugjeron se duhet të vazhdojë. Lejimi i qendrave të votimit në thelb sugjeron se pjesa e Kosovës e pushtuar kryesisht nga serbët është territor serb. Serbët që kanë shtetësi të dyfishtë, megjithatë, mund ta ushtrojnë të drejtën e tyre duke “votuar me postë ose në zyrën ndërlidhëse në Prishtinë”, siç tha Kurti, e cila është mënyra e duhur për t'u marrë me këtë çështje dhe duhet të kënaqë Serbinë duke përmbushur kushtet kushtetuese të Kosovës", ka shkruar eksperti amerikan në një postim në Facebook.

Ndryshe, serbët e Kosovës udhëtuan të dielën e kaluar për në qytetet jugore të Serbisë, për të votuar në referendumin lidhur me ndryshimet kushtetuese, pasi në Kosovë kjo iu pamundësua nga Rezoluta e miratuar në Kuvendin e Kosovës, që kundërshtonte mbajtjen e votimeve në territorin e vendit tonë./BS

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat