Masakra në Poklek dhe Çikatovë, kryeministri Kurti: Këto krime të Serbisë nuk mund të harrohen

Aktuale

Masakra në Poklek dhe Çikatovë, kryeministri Kurti: Këto krime të Serbisë nuk mund të harrohen

Më: 17 prill 2022 Në ora: 13:05
Kryeministri i Kosovës, Albin Kurti

Kryeministri i Kosovës, Albin Kurti, në 23 vjetorin e saj e ka përkujtuar masakrën e Poklekut të Vjetër dhe Çikatovës  së Vjetër së Drenasit.

Ai, me anë të një postimi në rrjetin social Facebook, ka thënë se akoma janë të njoma janë plagët nga gjenocidi i Serbisë.

“23 vjet më parë forcat policore, ushtarake e paraushtarake serbe, vranë dhe masakruan 77 shqiptarë civilë të paarmatosur. Midis tyre pesë foshnja, nga gjashtë muaj e deri në dy vjeç. Për shtetin serb që po zbatonte planin e gjenocidit ndaj shqiptarëve nuk kishte rëndësi mosha”.

“Pasi i vranë, trupat e viktimave të Masakrës së Poklekut i dogjën bashkë me shtëpitë. Disa i dogjën dy herë e disa i hodhën në puse. Ndërsa trupat e viktimave të Masakrës së Çikatovës i dërguan në varrezën masive në Rudnicë të Rashkës në Serbi. Ishin përpjekje të forcave të armatosura serbe për të zhdukur gjurmët e krimit të Serbisë në Kosovë”.

“Por këto krime nuk mund të zhduken. E as të harrohen. Mbeten dëshmi radhët e varreve dhe dhimbja në shpirtra. U prehshin në paqe dëshmorët dhe martirët e kombit!”,ka thënë Kurti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat