Ambasadori i Kosovës në NATO viziton Komandën Ushtarake të Divizionit të 10-të të forcave tankiste gjermane

Aktuale

Ambasadori i Kosovës në NATO viziton Komandën Ushtarake të Divizionit të 10-të të forcave tankiste gjermane

Nga: P.R Më: 7 maj 2022 Në ora: 21:43
Përfaqësuesi i Kosovës për marrëdhëniet me NATO-n, ambasadori Astrit Zemaj ka vizituar Komandën Ushtarake të Divizionit të 10-të të forcave tankiste të forcave gjermane.

Përfaqësuesi i Kosovës për marrëdhëniet me NATO-n, ambasadori Astrit Zemaj gjatë ditës së sotme ka vizituar Komandën Ushtarake të Divizionit të 10-të të forcave tankiste të forcave gjermane.

“Pritja nga ana e zv.Komandantit të Divizionit të 10-të tankist, gjeneralit Michael Podzus, ishte mbresëlënëse. Perderisa shoqërimi në reparte të ndryshme, në të cilat ushtarët dhe oficerët ndanin kujtime të ndryshme nga shërbimi i tyre ndër vite në Kosovë, jo vetëm që janë treguesi më i mirë për punën e madhe dhe kontributin që Gjermania ka dhenë, por ato shënojnë fuqishëm lidhjen emocionale që dhjetra mijëra ushtarë dhe oficer e kanë ndërtuar me vendin dhe popullin tonë”, ka shkruar Zemaj, përcjellë “Bota sot”.

Postimi i plotë:

Ishte nder i veçantë që në cilësinë e Përfaqësuesit të Republikës së Kosovës për marrëdhëniet me NATO, si dhe anëtarit të nderit të Kontigjentit të Parë të forcave gjermane të Bundesëehr-it, të cilët në vitin 1999 së bashku me forcat tjera të NATO-s i sollën lirinë Kosovës, i shoqëruar nga ish komandanti i këtyre njësive, gjeneral major, Manfred Hofmeyer si dhe oficërët drejtues të sektoreve ushtarake nga Kontigjenti i Parë-1999, vizituam Komandën Ushtarake të Divizionit të 10-të të forcave tankiste.

Pritja nga ana e zv.Komandantit të Divizionit të 10-të tankist, gjeneralit Michael Podzus, ishte mbresëlënëse. Perderisa shoqërimi në reparte të ndryshme, në të cilat ushtarët dhe oficerët ndanin kujtime të ndryshme nga shërbimi i tyre ndër vite në Kosovë, jo vetëm që janë treguesi më i mirë për punën e madhe dhe kontributin që Gjermania ka dhenë, por ato shënojnë fuqishëm lidhjen emocionale që dhjetra mijëra ushtarë dhe oficer e kanë ndërtuar me vendin dhe popullin tonë.

Po ashtu, i lumtur që një pjesë të oficerëve dhe veteranëve i takuam përseri, dhe krenar për 23 vite bashkëpunim dhe punë në periudha të ndryshme, në shërbim të lirisë, ndërtimit të paqës dhe shtetit të Kosovës.

Të gjithë veteranët e komandës së parë gjermane të vitit 1999, në nderkohë janë pensionuar, por as kjo dhe as vitët e pleqërisë nuk i kanë penguar të përkushtohën dhe mirëmbajnë lidhjen e tyre me Kosovën. Ata me krenari e quajnë vetën, veteran të një lufte e cila ishte bërë për ta çliruar një popull të robëruar.

Gjermania u përfshi në luftë të hapur në vitin 1999 për herë të parë pas Luftës së Dytë Botërore, nën aprovimin e mandatit të intevenimit humanitar ushtarak, për të nderprerë dhunën dhe terrorin, dëbimet masive, vrasjet në masë e cila kishte arritur deri në një shkallë gjenocidi nga ana e regjimit dhe forcave serbe kundër shqiptarëve të Kosovës.

Sot, Kosova është e bekuar me miq të shumtë, të cilët ju gjetën pranë në ditët më të vështira.

Përjetësisht mirënjohës!

Veteranen der Erste Deutsche Einsatzkontingent KFOR am 6. Mai 2022 in Veitshöchheim - 10. PANZERDIVISION

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat