Xhevdet Pozhari: Çmimet e dyfishuara, s’ka trust, s’ka rritje pagash… Por, ju po dini, ju grahjani!

Aktuale

Xhevdet Pozhari: Çmimet e dyfishuara, s’ka trust, s’ka rritje pagash… Por, ju po dini, ju grahjani!

Më: 11 maj 2022 Në ora: 19:04
Xhevdet Pozhari

Analisti Xhevdet Pozhari, i njohur si përkrahës i Lëvizjes Vetëvendosje, kohëve të fundit po shfaq zhgënjim me qeverisjen e deritanishme të kryetarit të partisë dhe kryeministrit Albin Kurti.

Ai, sot është ankuar për çmimet e rritura, refuzimin e qeverisë për ta ndarë një përqindje të trustit për qytetarët si dhe për të rritur pagat e tyre.

“Kolegët e Front Online e kanë bërë një krahasim të çmimeve me periudhën e njëjtë të vitit të kaluar. Të gjitha janë produkte bazike. Vaji është shtrenjtuar për 78%. Qumështi + 52%. Nafta + 52%. Vezët + 51%. Mielli + 44%. Buka +44%… etj. E keqja është se zgjidhja nuk po shihet askund në horizont. Trusti po thonë jo. Rritje të pagave jo”, ka shkruar Pozhari në Facebook.

Ai ka thënë se një pjesë e atyre që e kanë votuar këtë qeveri, sot nuk do ta votonin më.

“Për besë, qetash me i pyet njerëzit nuk del i vogël numri i atyre që janë bo pishman që ju kanë votu. Sigurisht nuk do ta votonin askënd tjetër, por edhe juve jo. Por, ju po dini, ju grahjani!”, ka shkruar

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat