Kryeministri Kurti u takua me senatorin Chris Murphy

Aktuale

Kryeministri Kurti u takua me senatorin Chris Murphy

Më: 19 maj 2022 Në ora: 18:48
Pamje nga takimi

Në ditën e dytë të qëndrimit në Washington D.C., Kryeministri i Republikës së Kosovës, Albin Kurti është takuar me senatorin Chris Murphy.

Kryeministri Kurti e kishte pritur në vizitë në Kosovë senatorin Murphy në prill të këtij viti. Në Washington D.C., ata vazhduan diskutimet për tema dhe çështje që kremtojnë por edhe synojnë avancimin e mëtejmë të marrëdhënieve të veçanta ndërmjet vendeve tona.

Kryeministri Kurti e njoftoi senatorin Murphy për vendimin e fundit të Qeverisë për vendosjen e sanksioneve shtesë dhe në përputhje me paketën e sanksioneve të Shteteve të Bashkuara të Amerikës dhe Bashkimit Evropian ndaj Federatës Ruse. Duke folur për vizitën e tij atje, kryeministri Kurti foli edhe për takimet me investitorë potencialë, me theks te ata të fushës së Teknologjisë së Informacionit.

Senatori i uroi mirëseardhje në kryeqytetin e Shteteve të Bashkuara të Amerikës dhe tha se vizita e tij dhe takimet e shumta janë rikujtim i marrëdhënieve të pathyeshme ndërmjet Shteteve të Bashkuara të Amerikës dhe Kosovës. Ai gjithashtu e njoftoi kryeministrin se reputacioni i Kosovës në sektorin e teknologjisë së informacionit është në rritje e sipër dhe ka cituar interesimin e kompanive të këtij sektori për të investuar në Kosovë.

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat