Policia u sulmua me 26 plumba në Zveçan

Aktuale

Policia u sulmua me 26 plumba në Zveçan

Më: 24 maj 2022 Në ora: 10:07
Policia e Kosovës

Policia e Kosovës gjatë aksionit kundër narkotikëve të hënën është sulmuar me 26 plumba me armë zjarri.

Kështu është bërë e ditur përmes raportit 24-orësh të Policisë, duke njoftuar se në vendngjarje janë gjetur gëzhojat e armës së zjarrit.

Ndërkaq, pas këtij sulmi nuk është raportuar për ndonjë të lënduar.

“Fsh. Izvor, Zveçan, 23.05.2022-13:50. Derisa njësitë policore ishin në kryerje të detyrës, të dyshuar të pa njohur kanë shtënë me armë zjarri në drejtimi të zyrtarëve policor. Në cilësi të provave materiale në vendin e ngjarjes janë gjetur dhe konfiskuar 26 gëzhoja të armës së zjarrit. Nuk raportohet për të lënduar. Rasti nën hetime nga njësitë relevante”, thuhet në njoftim.

Ndryshe, për sulmin ndaj PK-së ka reaguar kryeministri i vendit, Albin Kurti, ministri i Punëve të Brendshme, Xhelal Sveçla dhe Lista Serbe.

Përmes një postimi në Twitter, Kurti u shpreh se krimi do të luftohet pa ndërprerje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat