Gashi: Demaçi refuzoi ta ngushëllojë familjen e Rugovës pas vdekjes, thoshte “ndjesë mos pastë”

Aktuale

Gashi: Demaçi refuzoi ta ngushëllojë familjen e Rugovës pas vdekjes, thoshte “ndjesë mos pastë”

Më: 24 maj 2022 Në ora: 22:49
Shkëlzen Gashi

Analisti Shkëlzen Gashi ka thënë në T7 se marrëdhëniet mes Adem Demaçit dhe Ibrahim Rugovës kishin denigruar në masë të madhe pas vitit 1996.

Në emision po diskutohet për figurat të Adem Demaçit dhe Ibrahim Rugovës.

Gashi ka thënë se shtypi i LDK-së kishte bërë fushatë të egër ndaj figurës së Demaçit, por shton se Rugova kurrë nuk e kishte sulmuar personalisht atë.

“Ndarja kulminon në luftë. Ka presion ndaj Demacit që ai të thoshte se UÇK është terroriste. Por ai në mbledhje i bie tavolinës dhe thotë se nuk është terroriste por çlirimtare”, thotë ai.

Ai tregon një rast kur Demaçi nuk mori pjesë në mbledhjen komemorative për vdekjen e Rugovës.

“Demaçi refuzoi ta ngushëllojë familjen e Rugovës pas vdekjes, thoshte “ndjesë mos pastë”’, shton Gashi.

Tutje ai shton se varrimi i Demaçit nuk kishte pasur organizim të duhur shtetëror dhe se pjesëmarrja në të ishte shumë e vogël dhe organizimi ishte i tmerrshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat