Balje paralajmëron tjetër qëndrim me votë rreth tërheqjes nga Trusti

Aktuale

Balje paralajmëron tjetër qëndrim me votë rreth tërheqjes nga Trusti

Më: 25 maj 2022 Në ora: 15:49
Duda Balje

Duda Balje ka thënë se në seancë të kuvendit do të zbulohet vota e saj rreth iniciativës për tërheqjen e mjeteve nga Trusti, në një reagim ndaj komenteve ndaj saj pas abstenimit për këtë projektligj në Komisionin Parlamentar për Buxhet.

Deputetja e Kuvendit të Kosovës, pjesë e Grupit Parlamentar 6+, ka shkruar në Facebook se në komision nuk ka pasur të drejtë të votojë në emrin e saj.

Por, ajo ka thënë se qëndrimi përfundimtar i saj ndaj iniciativës për tërheqjen nga Trusti do të bëhet i ditur në seancë plenare të kuvendit.

“Të nderuar qytetarë të Kosovës, vota ime sot në Komisionin për Buxhet dhe Transfere është vota e Grupit Parlamentar Multietnik, nuk kemi qenë kundër, në raport me votat 4 me 4 vendimi ka qenë abstenim. Shihemi për votat në Parlament në momentin e votimit, ku çdo deputet do të votojë në emrin e tij personal! Ps. Nuk kisha të drejtë të votoja në emrin tim sot”, ka shkruar Balje.

Deputetët e VV-së pamundësuan miratimin e propozimit për tërheqjen e mjeteve nga Trusti në mbledhjen e sotme në Komisionin për Buxhet dhe Transfere.

Pesë deputetë të pozitës votuan kundër, ndërkaq pesë të opozitës votuan pro, deputetja Balje abstenoi dhe u pamundësua kalimi i propozimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat