​Kurti kërkon mbështetje për Shaip Kamberin në zgjedhjet e përsëritura në Tërnoc

Aktuale

​Kurti kërkon mbështetje për Shaip Kamberin në zgjedhjet e përsëritura në Tërnoc

Më: 26 maj 2022 Në ora: 20:32
Shaip Kamberi

Kryeministri i Kosovës Albin Kurti ka kërkuar mbështetjen për Shaip Kamberin dhe Koalicionin e Shqiptarëve të Luginës në zgjedhjet e përsëritura parlamentare nesër në njësinë numër gjashtë në Tërnoc.

Ai ka thënë se vota për Shaip Kamberin dhe për Koalicionin e Shqiptarëve të Luginës është detyrë patriotike e secilës e secilit me të drejtë vote, pasi Serbia po tenton t'ua pamundësojnë shqiptarëve ta kenë zërin e tyre në Kuvend.

“Nesër punën e parë në agjendën tuaj ditore, bëni daljen dhe votimin në Qendrën e Votimit nr. 6 në Tërnoc. Është e domosdoshme që nesër, deri në mesditë, shqiptarët e Luginës, Tërnocit, t'i japin mesazh dhe mësim atyre që ushqejnë mos durim ndaj faktorit shqiptar, duke i goditur përpjekjet e atyre që provuan ta ndalin zërin shqip në Beograd. Goditja fillon me votën e parë në hapje të vendvotimeve, duke arritur numrin e votave të nevojshme për Shaipin dhe përkrahjen për të”, ka shkruar Kurti në Facebook.

“Shaipi është flamurtar në parlament e jashtë tij, për të treguar të vërtetën e për të mbrojtur të drejtat e shqiptarëve në Parlamentin e Serbisë dhe për t’u angazhuar kundër shtypjes së vazhdueshme nga pushteti i regjimit autokratik në Serbi. Andaj, u bëj thirrje, që nesër, më 27 maj, të përbashkoheni të gjithë ju më të drejtë vote në Tërnoc duke votuar Shaip Kamberin si zë i fuqishëm shqip e shqiptar, njerëzor e qytetar. Tërnoci voton! Shqiptarët fitojnë!”, ka shtuar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat