Xhevdet Pozhari del kundër Kusari-Lilës dhe LVV-së për Trustin

Aktuale

Xhevdet Pozhari del kundër Kusari-Lilës dhe LVV-së për Trustin

Nga: N. Sh. Më: 27 maj 2022 Në ora: 15:44
Xhevdet Pozhari

Gazetari Xhevdet Pozhari, i njohur për qëndrimet e tij të afërta me Lëvizjen Vetëvendosje, ka kundërshtuar qëndrimin e pushtetit qeverisës në raport me iniciativën për tërheqjen e mjeteve nga Fondet Pensionale të Kosovës.

Pozhari tha sot se qeveritë e kaluara i kanë rritur pagat përkundër kundërshtimeve të Fondit Monetar Ndërkombëtar.

Qëndrimin e FMN-në kundër ndryshim-plotësimit të Ligjit për Fondet Pensionale, e ka përdorur si arsyetim për refuzimin e propozimeve ligjore të iniciuara nga opozita edhe Mimoza Kusari-Lila, shefe e Grupit Parlamentar të Lëvizjes Vetëvendosje.

Pozhari në fund e përmendi se FMN nuk ka të drejtë vote në Kosovë, ndërsa qytetarët po.

Postimi i plotë:

Fondi Monetar Ndërkombëtar (FMN) ka dal edhe kundër tërheqjes së Trustit edhe kundër vendimit të Gjykatës për anulimin e tarifave të shtrenjta të energjisë.

Pra, FMN po kërkon që të paguajmë ma shtrenjtë energji dhe mos të jepen paret e trustit.

Për ata që kanë memorie të peshkut, vlen të rikujtojmë se FMN ka qenë edhe kundër ngritjes së pagave në Qeverisjet e kaluara.

E, qeveritarëve që e përdorin këtë argument, duhet me ua rikujtu që FMN nuk ka të drejtë vote në Kosovë. Ne po!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat