LDK-ja dorëzon në Kuvend nismën për shkarkimin e bordit të ZRRE-së

Aktuale

LDK-ja dorëzon në Kuvend nismën për shkarkimin e bordit të ZRRE-së

Më: 27 maj 2022 Në ora: 17:05
LDK

Shefi i Grupit Parlamentar të Lidhjes Demokratike të Kosovës, Arben Gashi ka njoftuar se sot kanë dorëzuar zyrtarisht në Kuvend nismën për shkarkimin e bordit të Zyrës së Rregullatorit të Energjisë.

Gashi ka thënë se vendimet e bordit të ZRRE-së kanë qenë jo transparente ndaj konsumatorëve si dhe kundër interesit publik.

“Në emër të Grupit Parlamentar të LDK-së, sot, në Kuvendin e Kosovës, zyrtarisht dorëzuam nismën për shkarkimin e bordit të ZRRE-së. Vendimet e bordit të ZRRE-së kanë qenë jo transparente, diskriminuese ndaj konsumatorëve si dhe kundër interesit publik”, ka shkruar ai në një postim në Facebook.

Sipas tij, paaftësia në menaxhimin e krizës së energjisë dhe papërgjegjësia e bordit të ZRRE-së ka dëmtuar rëndë mirëqenien e qytetarëve.

“Paaftësia në menaxhimin e krizës së energjisë dhe papërgjegjësia e bordit të ZRRE-së ka dëmtuar rënd mirëqenien e qytetarëve duke e thelluar krizën e papërballueshmerisë, andaj shkarkimi i këtij bordi është më e pakta”, ka përfunduar Gashi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat