Kuvendi nesër seancë, pritet debat për situatën ekonomike

Aktuale

Kuvendi nesër seancë, pritet debat për situatën ekonomike

Më: 29 qershor 2022 Në ora: 15:51
Foto ilustrim

Kuvendi i Kosovës do të mbajë nesër seancën e radhës. Në këtë seancë janë parashikuar të shqyrtohen nëntë pika të rendit të ditës.

Megjithatë, ajo që pritet të sjellë debat të fortë mes pozitës e opozitës do të jetë pika e katërt e rendit të ditës.

Debat parlamentar për masat që duhet të ndërmerren për të ndihmuar qytetaret të përballen me rritjen e çmimeve në produktet esenciale”, është pika e cila për shkak të situatës ekonomike në vend, pritet të përplasë me deklarime deputetët e Kuvendit.

Ndërkohë, pikat e tjera të rendit të ditës janë edhe shqyrtimi i raportit vjetor të Agjencisë Kosovare të Privatizimit për vitin 2021, i cili pritet të sjellë gjithashtu kundërshtime mes partive parlamentare.

Ndër pika të tjera të rendit të ditës janë edhe shqyrtimi i mocionit për shkarkimin e Bordit të Zyrës së Rregullatorit të Energjisë dhe formimi i Komisionit ad-hoc për përzgjedhjen e kandidatëve për një (1) anëtar të Bordit për Ankesat e Mediave.

Muajve të fundit seancat e Kuvendit janë ndëprerë disa herë dhe shumë nga pikat e caktuara për shqyrtim, kanë mbetur përgjysmë ose fare nuk janë trajtuar. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat