Maloku për reciprocitetin në letërnjoftime me Serbinë: Do të ndryshojë disa agjenda të dialogut

Aktuale

Maloku për reciprocitetin në letërnjoftime me Serbinë: Do të ndryshojë disa agjenda të dialogut

Më: 30 qershor 2022 Në ora: 18:43
Albinot Maloku

Politologu, Albinot Maloku ka folur për reciprocitetin në letërnjoftime me Serbinë, ku tha se kjo ngjarje e prodhuar në këtë momentum do t’i shtyjë dhe ndryshojë disa agjenda të procesit të dialogut.

Maloku ka thënë se ka pritur nga Qeveria e Kosovës e cila kishte premtuar se do të bëhet rishikimi i të gjitha marrëveshjeve me Serbinë por sipas tij, nuk ka pasur rishikim të marrëveshjeve të mëparshme.

“Momentumi e rëndësishme po, Kosova dhe Serbia të kenë një raport reciprok të respektueshëm, por konsideroj për arsyen e marrëveshjes finale dhe për arsyen e insistimit të dialogut, konsideroj që kjo ngjarje e prodhuar në këtë momentum do t’i shtyjë dhe ndryshojë disa agjenda të procesit të dialogut gjatë të cilit kam pritur shumë nga Qeveria e Kosovës se është premtuar të bëhet rishikimi i të gjitha marrëveshjeve në kuptimin e gjetjes së ma të mirës prej tyre dhe nuk ka pasur rishikim të marrëveshjeve të mëparshme”, tha ai.

Sipas tij, reciprociteti në letërnjoftime me Serbinë është lajmi i mirë për Kosovën, por jo ngjarje që shtynë atë çfarë Kosova e ka prioritet.

“Konsiderojë që është një lajm super i mirë për qytetarët e për Kosovën mirëpo jo ngjarje që shtynë atë çfarë Kosova kishte me pas ose e ka si prioritet. Ardhjen te një marrëveshje përfundimtare konkretisht marrëveshjes finale mes Kosovës dhe Serbisë që është quajtur gjithëpërfshirëse. Gjithsesi do të ndryshoj agjendën e lojcakut për faktin që ai nuk do të merret me orientimin e fazave por me sanimin e ‘krizave’”, ka deklaruar Maloku. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat