Heqja e akcizës së naftës, Hajdari: Na thanë shtetet tjera se është gabim

Aktuale

Heqja e akcizës së naftës, Hajdari: Na thanë shtetet tjera se është gabim

Më: 30 qershor 2022 Në ora: 21:34
Rozeta Hajdari

Ministrja e Ministrisë së Industrisë, Ndërmarrësisë dhe Tregtisë, Rozeta Hajdari tha Qeveria nuk e ka përfillë kërkesën e opozitës për uljen e akcizës ose për heqjen e TVSH-së për arsye se shtetet që e kanë përdorë këtë metodë u kanë thënë se nuk është një vendim i drejtë.

Hajdari deklaroi se është në komunikim të vazhdueshëm me vendet siç është Maqedonia Veriore, mirëpo thotë se ata nuk po i propozojnë që edhe Kosova të merr një vendim të tillë.

Siç thotë ajo, shtetet në fjalë i kanë thënë se nuk është vendim i drejtë të ulet akciza.

“Ne pse nuk shkuam për opsionin për të ulur akcizën ose për TVSH-në është krejt për shkak të mësimeve nga gabimet e shteteve që na kanë komunikuar, se nuk ka qenë një vendim i drejtë. Unë jam konsultuar edhe me ministrat e rajonit si me atë nga Maqedonia Veriore, ministrin Bekteshi me të cilin jam në komunikim të përditshëm më thotë se ne e kemi rregullatorin e naftës dhe ne po i bëjmë kalkulimet, por prapë se prapë çmimi po rritet ndonëse ne e kemi ulur akcizën dhe është një mësim nga vetë përvoja e tyre që nuk na propozon që ne të marrim të njëjtin vendim”, tha Hajdari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat