Kanosi prokurorin special Naim Abazin, ngritet aktakuzë ndaj një personi

Aktuale

Kanosi prokurorin special Naim Abazin, ngritet aktakuzë ndaj një personi

Më: 5 korrik 2022 Në ora: 13:57
Foto ilustrim

Prokuroria Themelore e Prishtinës ka ngritur aktakuzë ndaj H.M, të cilin e akuzon për kanosjen e prokurorit të Prokurorisë Speciale të Republikës së Kosovës (PSRK), Naim Abazi.

Lajmin për “Betimi për Drejtësi” e ka konfirmuar zyrtarja për informim e kësaj prokurorie, Laureta Ulaj.

Ulaj tha se aktakuza ndaj të akuzuarit H.M u ngrit për veprën penale “Kanosja” nga neni 181 të Kodit Penal, pas pranimit të kallëzimit penal të ushtruar nga Policia e Kosovës.

“Prokuroria Themelore në Prishtinë, më 31.05.2021, ka ngritur aktakuzë ndaj të pandehurit H.M., në drejtim të veprës penale “Kanosja”, nga neni 181 të KPRK-së dhe të njëjtën e ka proceduar në gjykatë për trajtim të mëtejmë”, thuhet në përgjigjen e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat