Eksperti i sigurisë kërkon prezencë të AKI-së edhe në Jarinje e Bërnjak

Aktuale

Eksperti i sigurisë kërkon prezencë të AKI-së edhe në Jarinje e Bërnjak

Më: 7 gusht 2022 Në ora: 21:11
Foto ilustrim

Nami i saj si spiune, më shumë se gazetare, e futi edhe në listën e Kosovës të personave të dyshimtë.

Rusja Daria Aslamova u ndal nga policia në kufirin me Serbinë, dhe pas disa orësh u shpall non-grata.

Ky veprim me të cilin u krenua minsitri i brendshëm Xhelal Sveçla, nuk llogaritet i bujshëm, për profesorin të sigurisë Sheqir Kutllovci.

“Mos ta konsiderojmë si sukses të madh sepse kjo është një gazetare e njohur dihet e kaluara e saj. Emri i saj është i njohur dhe nuk është vetëm në listën tonë po edhe në listën e shteteve tjera” – tha Kutllovci.

Kutllovci vlerëson se vetë mësymja e Aslamovës në Kosovë duke e ditur se njihet si spiune, është tregues se siguria iu duk e papërfillshme, andaj e sheh të udhës praninë e shtuar të AKI-së nëpër kufij.

“Të jetë e dukshme te policia e jo veç kështu…se inteligjenca e dimë që është civile por ajo ka dhuntinë që njerëzit e dyshimtë i vërejnë më shpejtë” – theksoi ai.

Gjatë këtij muaji, që është më i tensionuar për shkak të reciprocitetit që hyn në fuqi më 1 shtator, kërkohet kontroll mbi pikat kufitare, edhe me Shqipërinë që tash është krejt i hapur.

“Inteligjenca hyn andej kah e ka rrugën ma të lehtë”- tha ai.

Gjatë vitit të fundit Kosova ka shpallur non-grata edhe 3 rus të tjerë. Andrey Antonov më 31 dhjetor dhe më herët në tetor, Alexei Krivosheev dhe Denis Vengerskii-n.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat