Imami Fuad Ramiqi: Nuk e pranoj Kushtetutën e Kosovës

Aktuale

Imami Fuad Ramiqi: Nuk e pranoj Kushtetutën e Kosovës

Më: 29 shtator 2022 Në ora: 22:33
Fuad Ramiqi

Imami Fuad Ramiqi tha se nuk e pranon aktin më të lartë juridik të Republikës së Kosovës, Kushtetutën.

Imami tha se Kushtetuta e Kosovës nuk i përshtatet parimeve të tij.

“Unë nuk e pranoj këtë kushtetutë sepse nuk korrespondon me mua”, ka thënë ai.

Ramiqit, i është kundërpërgjigjur, analisti Dardan Gashi, i cili ka thënë se Kushtetuta e Kosovës, është laike sa i përket besimeve, dhe i jep të drejtë të gjitha feve njësoj.

Gashi ka thënë se nuk ka ndodhur asnjëherë në Kosovë, që partitë politike ta diskutojnë laicitetin e Kushtetutës së Kosovës.

Ndër tjerash, Ramiqi, foli edhe për grevën në arsim.

Ai theksoi se thirrja e kreut të Bashkësisë Islame të Kosovës, (BIK), për ndaljen e grevës ka qenë e drejtë.

“Nëse e shihni situatën në Kosovë, në këtë moment, me deklaratën e kreut të BIK-ut, shumë mirë që ka bë thirrje sepse ka bërë thirrje për diçka të mirë, është njerëzore e humane. Ai e ka obligim moral që ta bëjë një thirrje të tillë, të gjithë kanë bërë thirrje edhe ne bëjmë këtu”, ka thënë ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat