Vela “demaskon” Vuçiqin, tregon arsyet e vërteta të refuzimit të pjesëmarrjes në Samitin e Tiranës

Aktuale

Vela “demaskon” Vuçiqin, tregon arsyet e vërteta të refuzimit të pjesëmarrjes në Samitin e Tiranës

Më: 1 dhjetor 2022 Në ora: 23:03
Blerim Vela

Presidenti i Serbisë, Aleksandar Vuçiq, e ka përdorur si pretekst emërimin e Nenad Rashiqit në krye të Ministrisë për Komunitete, për të mos shkuar në samitin BE-Ballkan Perëndimor, që do të mbahet me 6 dhjetor në Tiranë.

Kështu së paku pretendon Blerim Vela – këshilltar i Presidentes së Kosovës.

“Histeria e Vuçiqit është një përpjekje e dështuar për të fshehur arsyet e vërteta për refuzimin e pjesëmarrjes në samitin BE-Ballkan Perëndimorë në Tiranë”, ka shkruar Vela në Twitter.

Sipas Velës janë dy arsye për këtë tentim fshehje:

Shpërqëndrimi i vëmendjes pas emërimit të një lugati rus, në krye të shërbimit sekret serb dhe dyta është pasi që Deklarata e samitit kërkon nga 6 vendet e Ballkanit Perëndimor, përfshirë Serbinë, që t’i bashkohen BE-së në sanksionet ndaj Rusisë”, ka shkruar Vela.

Më 6 dhjetor në Tiranë mbahet samiti i parë mes liderëve të BE-së dhe Ballkanit Perëndimor.

Në faqen zyrtare të Këshillit të Bashkimit Evropian thuhet se samiti është një mundësi për të rikonfirmuar rëndësinë kyçe të partneritetit strategjik midis BE-së dhe Ballkanit Perëndimor, një rajon me një perspektivë të qartë të BE-së. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat