Këta janë zyrtarët policorë të suspenduar në Lipjan

Aktuale

Këta janë zyrtarët policorë të suspenduar në Lipjan

Më: 3 dhjetor 2022 Në ora: 17:15
I suspenduari Fejsal Ahmeti

Drejtoria Rajonale e Prishtinës ka zbatuar rekomandimin e Inspektoratit Policor të Kosovës për suspendimin e Komandantit të Stacionit policor të Lipjanit, një rreshteri dhe dy hetuesve, për rastin e vrasjes së Hamide Magashit nga Sokol Halili.

Të suspenduarit nga IKP-ja janë Komandati i Stacionit policor të Lipjanit, Naser Sinani, rreshteri Hasim Lubovci si dhe hetuesit Fejsal Ahmeti dhe Frashër Rexhepi.

Hetuesi, Fejsal Ahmeti është vëllai i kryetarit të Lipjanit, Imri Ahmeti.

Nga IKP-ja kanë thënë se përmes hetimeve, Inspektorati ka arritur deri tek dyshimi se lidhur me zbatimin e Urdhrit-mbrojtës nga ana e zyrtarëve te Stacionit Policor Lipjan, ka elemente të veprave penale “Keqpërdorimi i pozitës apo autoritetit zyrtar ” dhe “Falsifikimi i dokumentit zyrtar”.

Të mërkurën në mbrëmje Sokol Halili vrau ish-bashkëshorten e tij shtatzënë, Hamide Magashin, pranë Klinikës së Gjinekologjisë.

Mes lotësh, dje në Lipjan i është dhënë lamtumira e fundit shtatzënës Hamide Magashi, ndërsa Sokol Halili bëri vetëvrasje. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat