Analisti, Blerim Latifi, ka reguar në lidhje me rastin që ka ndodhur dje në Shtëprcë ku janë plagosur dy persona.
“Në shoqnitë normale procedura e drejtësisë parasheh që të dëgjohen dhe të ballafaqohen rrëfimet e palëve në konflikt. Edhe rrëfimi i viktimës, edhe i agresorit. Drejtësia vjen në fund të dëgjimit, e jo në fillim të tij”, ka shkruar Latifi.
Ai përmes një postimi në rrjetin e tij social Facebook, ka thënë se mënyra se si e trajtuan dje rastin e ushtarit të FSK-së tregon se ‘ne kemi rrëshqitur në moçalin e shoqnisë së turmave’.
Latifi ka thënë se ia kanë bërë gjyqin ushtarit të FSK-së, pa e degjuar fare rrëfimin e tij, ndonëse sipas tij ata i kanë shërbyer interesit të Beogradit për ta ndërtu një mit të ri të viktimizimit të serbëve në Kosovë.
“Ndërkaq, në shoqnitë e turmave digjitale kjo procedurë nuk merret paraysh.Turmat, që veprojnë nën efektin e ngutisë emocionale, nuk kanë durim për këtë procedurë. Ato thjesht e ndjekin mashtruesin e parë që e hasin dhe "drejtësinë" e kërkuar prej tij. Në kët' vend Serbisë nuk i duhet të paguajë agjentë e lobistë të interesave të saj.I mjafton shfrytëzimi i budallallëkut tonë të bollshëm”, përfundon statusi i tij.
