Ambasadori i Kosovës në Kroaci, Martin Berishaj ka thënë se Kosova e ka Kroacionë dhe popullin kroat mik të dëshmuar.
Ky shkrim është publikuar në llogarinë zyrtare në Facebook të Ambasadës së Kosovës në Zagreb.
“Komunikimet e rregullta që ka Ambasada jonë në Zagreb me Zyrën e Presidentit kroat, Ministrinë e Punëve të Jashtme dhe Evropiane të Kroacisë si dhe Parlamentin kroat, e në veçanti me deputeten shqiptare Ermina Lekaj Perlaskaj, Domagoj Hajdukoviq, Ante Baçiq etj. Janë dëshmi se Kosova e ka Kroacinë dhe popullin kroat mik të dëshmuar”.
Kujtojmë se ky njoftim i ambasadës vjen pas gafës që bëri presidenti kroat, Zoran Milanoviq, kur tha se “Kosova i është vjedhur Serbisë”.
Më pas Milanoviq në një deklaratë tha se deklarata e tij është keqkuptuar.
