Gashi pas rrëzimit të ligjit për KPK-në: E paralajmëruam Kurtin se bëri shkelje të rëndë

Aktuale

Gashi pas rrëzimit të ligjit për KPK-në: E paralajmëruam Kurtin se bëri shkelje të rëndë

Më: 24 mars 2023 Në ora: 20:51
Arben Gashi

Shefi i Grupit Parlamentar të LDK-së, Arben Gashi ka thënë se vendimi i sotshëm i Gjykatës Kushtetuese të Kosovës për rrëzimin e Ligjit për Këshillin Prokurorial, ishte i pritshëm.

Ai ka thënë kryeministri Albin Kurti dhe qeveria e tij, ishin paralajmëruar se po bënin shkelje të rëndë kushtetuese.

“Është një vendim i pritur, e kemi paralajmëruar qeverinë dhe kryeministrin Kurti se janë duke bërë shkelje të rëndë kushtetuese”, ka thënë Gashi.

Por, sipas Gashit, ka edhe të tjera shkelje të kësaj qeverie, të cilat do të dalin së shpejti.

“Ky është vetëm njëri nga shumë ligje të cilat janë në shkelje të Kushtetutës, vendime të tjera do të dalin së shpejti”, ka vazhduar ai.

“Përgjegjësia është e kryeminsitrit Kurti”, ka thënë në fund Gashi.

Ligji për shqyrtim në Gjykatën Kushtetuese ishte dërguar nga LDK dhe PDK në korrik të vitit 2022, pas ndryshimeve të bëra, të cilat konsideroheshin që binin ndesh me kushtetutën e vendit.

commentFirst article
Sot mund të lexoni Shfletoni kopertinat