Lajçaku largohet i brengosur pas bisedave në veri - e shqetësoi kjo gjë

Aktuale

Lajçaku largohet i brengosur pas bisedave në veri - e shqetësoi kjo gjë

Më: 12 maj 2023 Në ora: 00:06
Emisari i BE-së për dialogun Kosovë-Serbi, Miroslav Lajçak takim në veri

Emisari i BE-së për dialogun Kosovë-Serbi, Miroslav Lajçak, ka thënë se nga bisedat që zhvilloi me bashkëbisedues në pjesën veriore të Kosovës, e la atë të brengosur.

Këto komente, ai i bëri në llogarinë e tij në Twitter.

“Ishte e rëndësishme për mua të vizitoj sërish veriun e Kosovës dhe të bisedoj me bashkëbisedues të ndryshëm në mënyrë që të marr përshtypjen nga dora e parë të situatës momentale. Ajo që dëgjova më la të brengosur. Na duhet të shmangim çdo mundësi për eskalim dhe të përqendrohemi krejtësisht në normalizim”, tha Lajçaku në këtë postim.

Kujtojmë se emisari i BE-së gjatë ditës ka zhvilluar takime në Prishtinë me kryeministrin Kurti dhe zëvendësin e tij, Besnik Bislimi.

Pasdite ai shkoi në Mitrovicë, ku takoi kryetarin e komunës, Bedri Hamza, ndërsa më pas takoi edhe përfaqësuesit e Listës Serbe. 

comment Për komente lëvizni më poshtë
Sot mund të lexoni Shfletoni kopertinat