Kuvendi i Kosovës, të hënën, me moton globale “Qeverisja efektive e Inteligjencës Artificiale në të gjitha nivelet”, shënon Ditën Ndërkombëtare të Demokracisë.
Në kuadër të kësaj dite, dyert e Kuvendit do të jenë të hapura për qytetarët.
Këto janë organizimet që do të bëhen:
10:00 Hapja e dyerve të Kuvendit;
10:00 Ceremonia e Hapjes së Ditës së Demokracisë;
10:00 Panairi i organizatave të shoqërisë civile;
10:00 Kuizi i Demokracisë;
11:00 Tryezë diskutimi “Zgjedhjet dhe teknologjia”;
Kujtojmë se kjo datë është përcaktuar në vitin 2007, me rezolutën e Asamblesë së Përgjithshme të Kombeve të Bashkuara, e cila inkurajon qeveritë që të forcojnë programet kombëtare për promovimin dhe konsolidimin e demokracisë.
