Po intervistohen dëshmitarët e vrasjes së dyfishtë në Stanoc të Vushtrrisë
Një vrasje e dyfishtë ka ndodhur në Stanoc të Vushtrrisë, ku dyshohet se një burrë fillimisht e ka privuar nga jeta një grua, dhe pastaj ka bërë vetëvrasje.
Prokuroria Themelore e Mitrovicës ka bërë të ditur se janë duke u intervistuar dëshmitarë dhe në koordinim me policinë po hetohen të gjitha rrethanat që kanë çuar në këtë ngjarje të rëndë.
“Një e vrarë dhe një i vetë vrarë në Stanoc të Vushtrrisë. Si pasojë e te shtënave dy persona kanë mbetur të vdekur në fshatin Stanoc të Vushtrrisë. Dyshohet se një burrë fillimisht e ka privuar nga jeta një grua, dhe pastaj ka bërë vetëvrasje”.
“Në vendngjarje ka dalur prokurori kujdestar i PTH Mitrovicë. Në vendngjarje janë gjetur disa gëzhoja që dyshohet se janë përdorur në këtë krim. Janë duke u intervistuar dëshmitarë dhe në koordinim me policinë janë duke u hetuar të gjitha rrethanat që kanë quar në këtë ngjarje të rëndë”, thuhet në njoftimin e prokurorisë.
Ky është Arsim Morina- burri që vrau punëtoren e më pas bëri vetëvrasje
Një vrasje e dyfishtë ka ndodhur në fshatin Stanovc të Vushtrrisë.
Arsim Morina ka vrarë me armë zjarri punëtoren e tij, Nexhmije Haradini e më pas edhe vetën.
Sipas infomarvioneve, dy trupat e pajetë të viktimave janë gjetur tek një nënkalim që është afër furrës.
Arsim Morina
Ndërsa motivet e kësaj ngjarje tragjike ende nuk dihen
Vrasje e rëndë në Vushtrri: Policia zbardh detajet e ngjarjes tragjike në fshatin Stanovc
Policia e Kosovës ka dhënë detaje për vrasjen e rëndë që ka ndodhur në fshatin Stanovc të Vushtrrisë
"Sot, rreth orës 14:56, policia ka pranuar informatën për një vrasje të ndodhur në fshatin Stanovc të Vushtrrisë.
Bazuar në hetimet fillestare nga vendi i ngjarjes dyshohet se kryesi i veprës, dorasi 58-vjeçar me iniciale A.M., ka qëlluar për vdekje viktimën femër, 42-vjeçare me iniciale N.H., e më pas i dyshuari ka qëlluar edhe veten.
Në cilësi të provave materiale në vendin e ngjarjes janë gjetur dhe konfiskuar një armë pistoletë .
Me urdhër të Prokurorit, dy trupat e pajetë dërgohen në Institutin e Mjekësisë Ligjore për obduksion.
Hetuesit policorë nën udhëheqjen e prokurorit po vazhdojnë hetimet për veprat penale " Vrasje e rëndë ' dhe " Vetëvrasje"", thuhet në komunikaten e Policisë.
Kjo është gruaja që u vra në fshatin Stanoc të Vushtrrisë
Një vrasje e dyfishtë ka ndodhur në fshatin Stanovc të Vushtrrisë.
Pronari i furrës “Diellza”, Arsim Morina dyshihet se e ka vrarë me armë zjarri punëtoren e tij, Nexhmije Haradinaj e më pas edhe vetën.
Sipas informacioneve dy trupat e pajetë të viktimave janë gjetur tek një nënkalim që është afër furrës.
I afrimi i gruas së vrarë në Vushtrri thotë se ngjarja mund të ketë ndodhë për shkak të xhelozisë nga lënia e punës
Viktima e cila mbeti e vrarë sot në Stanoc të Vushtrrisë ishte e moshës 40 vjeçare.
Lajmin e ka bërë të ditur familjari, Rrahim Ajeti, i cili ka dhënë detaje lidhur me vrasjen. Ai ka thënë se viktima dhe burri i saj kishin punuar më herët me të dyshuarin për vrasje, dhe se vrasja dyshohet të ketë ndodhur për arsye xhelozie të ndërrimit të vendit të punës.
Ndërsa theksoi se e ndjera kishte qenë një grua shembullore.
“Jam familjar i të ndjerës, dua të ju njoftoj se siç po qarkullojnë informatat nuk janë burrë e grua, para një kohe ka qenë punëtore e tyre me gjithë bashkëshortin, por rrethanat se si ka ardhë deri te vrasja nuk i dimë as ne si familje. Ka qenë një grua shembullore. Xhelozia se pse ke shkuar te një tjetër vend me punu e ke lanë të unë.”, tha a
Vrasja e dyfishtë në Vushtrri, Preteni jep detaje se çfarë është gjetur në vendin e ngjarjes
Zëdhënësi i Prokurorisë Themelore në Mitrovicë, Valon Preteni në një prononcim për “Bota sot”, e ka konfirmua vrasjen e dyfishtë në fashtin Stanoc të Vushtrrisë.
“Një e vrarë dhe një i vetë vrarë në Stanoc të Vushtrrisë
Si pasojë e te shtënave dy persona kanë mbetur të vdekur në fshatin Stanoc të Vushtrrisë.
Dyshohet se një burrë fillimisht e ka privuar nga jeta një grua, dhe pastaj ka bërë vetëvrasje”, ka thënë ai.
Po ashtu, Preteni e ka konfirmuar se në vendin e ngjarjes ka dalë prokurori kujdestar i Prokurorisë Themelore në Mitrovicë
“Në vendngjarje ka dalur prokurori kujdestar i PTH Mitrovicë.
Në vendngjarje janë gjetur disa gëzhoja që dyshohet se janë përdorur në këtë krim. Janë duke u intervistuar dëshmitarë dhe në koordinim me policinë janë duke u hetuar të gjitha rrethanat që kanë quar në këtë ngjarje të rëndë”, ka thënë Preteni për “Bota sot”.
Detaje të reja nga krimi i rëndë në Vushtrri: “Ka punuar moti aty, nuk janë asgjë mes veti”
Vendi ku dyshohet se ka ndodhur vrasja e një gruaje dhe më pas vetëvrasja e autorit, vazhdon të jetë i rrethuar nga forcat e mëdha të Policisë së Kosovës.
Një familjar ka deklaruar se viktima, gruaja, ka punuar për një kohë të gjatë në furrën e bukës.
“Ka punuar moti aty, që një kohë. Nuk kanë pasur asgjë mes veti. Kaq mund t’ju them”, ka thënë shkurt një familjar.
Policia dhe prokuroria janë duke hetuar rrethanat e plota të ngjarjes.
Momenti kur në vendngjarje arrin burri i gruas së vrarë, nuk mundet ta përballoj humbjen e saj
Vrasje e rëndë ka ndodhur në Stanoc të Vushtrrisë.
Një burrë dyshohet se ka vrarë një grua dhe më pas ka vrarë veten.
Në vendin e ngjarjes janë parë edhe forcat e shumta policore.
Mediumi lokal ka publikuar disa pamje të fundit, kur burri i gruas së vrarë arrin në vendgjarje.
Kurse, mbrëmë në Vushtrri u vra një 19-vjeçar nga një bashkëmoshatar i tij.
Prokuroria deklarohet për vrasjen e dyfishtë në Vushtrri
Dy persona dyshohet se janë vrarë pas disa të shtënave sot në Vushtrri, sipas raportimeve të disa mediave.
Zëdhënësi i Prokurorisë Themelore në Mitrovicë, Valon Preteni i tha mediave se “prokurori po del në vendin e ngjarjes së bashku me Policinë”, pa konfirmuar nëse bëhet fjalë për vrasje.
“Nuk e kemi të konfirmuar”, tha ai.
Zyrtarë të policisë rajonale nuk kanë qenë e qasshme për të folur për këtë.
Mbrëmë në Vushtrri u vra një 19-vjeçar nga një bashkëmoshatar i tij
Detaje nga vrasja e dyfishtë në Vushtrri: Dorasi dyshohet se ishte me viktimën në një veturë
Dy persona dyshohet se janë vrarë pas të shtënave me armë sot pasdite në Vushtrri.
Siç raportohet, dorasi dyshohet se fillimisht e ka qëlluar me armë një grua, më pas veten.
Po ashtu sipas mediave, dyshohet se dorasi Arsim Morina, ka qenë fillimisht me viktimën në një veturë, i cili më pas ka ndalë veturën para furre dhe ka shtie në një nënkalim në Vushtrri.
Policia ende nuk ka raportuar për rastin në fjalë.
