Ngjarjet e fundit tronditëse që ndodhën këtyre ditëve në Vushtrri, ka alarmuar komunën.
Kryetari Ferit Idrizi, sot njoftoi se policia ka kryer disa kontrolle në tre shkolla, përfshirë Shkollën e Mesme Teknike, “Lutfi Musiqi”, Shkollën e Mesme Profesionale “Bahri Haxha” dhe Gjimnazin “Eqrem Çabej”.
Idrizi tha se kontrollet janë realizuar me qëllim të verifikimit të sigurisë dhe për t’u siguruar që nuk kishte asnjë kërcënim të mundshëm për nxënësit dhe mësimdhënësit.
Ai theksoi se gjatë këtyre kontrolleve, nuk është hasur asgjë e dyshimtë.