Kamberi dorëzon në Institutin për Krime Lufte dokumente e fotografi të para dhe pas luftës së fundit

Aktuale

Kamberi dorëzon në Institutin për Krime Lufte dokumente e fotografi të para dhe pas luftës së fundit

Më: 10 prill 2025 Në ora: 21:54
Foto nga vendi i ngjarjes

Deputeti shqiptar në Kuvendin e Serbisë, Shaip Kamberi, ka bërë të ditur se Institutit për Krime Lufte në Prishtinë, në cilësinë e ish-kryetarit të Këshillit për të Drejtat e njeriut, i ka dorëzuar materiale arkivore, fotografi, raporte dhe dokumente të cilat dëshmojnë diskriminimin etnik, maltretimet dhe vrasjet e civilëve shqiptarë, para, gjatë dhe pas luftës.

Në një postim në Facebook, Kamberi ka ftuar të gjithë shqiptarët e Luginës së Preshevës që kanë dokumente, fotografi e fakte t’i dorëzojnë në Institutin për Krime Lufte.

“Materialet e dorëzuara sot janë rezultat i punës dhe angazhimit tim në Këshillin për të Drejtat e njeriut në atë kohë dhe të njëjtat, nga sot, do të jenë pjesë e Institutit për Krimet e Kryera Gjatë Luftës në Kosovë”.

“Falënderoj Z. Kimete Haxholli për bashkëpunimin dhe ftoj të gjithë qytetarët e Luginës së Preshevës të cilët kanë dokumente, fakte, fotografi, të dorëzojnë të njëjtat në këtë institucion” ,ka thënë Kamberi.

comment Për komente lëvizni më poshtë
Sot mund të lexoni Shfletoni kopertinat