Presidentja Osmani përkujton Fehmi Aganin: E vrau makineria gjenocidale serbe

Aktuale

Presidentja Osmani përkujton Fehmi Aganin: E vrau makineria gjenocidale serbe

Më: 6 maj 2025 Në ora: 09:15
Fehmi Agani

Presidentja e Kosovës, Vjosa Osmani ka përkujtuar akademikun Fehmi Agani në përvjetorin e vrasjes.

Osmani ka thënë se Agani ishte ai që besoi te fuqia e vlerave njerëzore edhe në kohën kur bota heshti përballë krimeve të Serbisë.

Presidentja ka shtuar se pikërisht kjo makineri gjenocidale serbe e vrau atë.

“Sot, në përvjetorin e vrasjes së akademik Fehmi Aganit, përkujtojmë me nderim një prej mendjeve më të ndritura të rezistencës sonë paqësore. Ai besoi te fuqia e vlerave njerëzore edhe në kohën kur bota heshti përballë krimeve të Serbisë në Kosovë. E vrau pikërisht ajo makineri gjenocidale serbe e cila frikësohej nga mençuria e tij që ngjallte shpresë”, ka thënë Osmani.

Osmani ka shtuar se kujtimi dhe vizioni i tij mbetet udhërrëfyes për brezat që besojnë se liria dhe dinjiteti mbrohen me çdo kusht.

“Lavdi jetës dhe veprës së Fehmi Aganit”.

comment Për komente lëvizni më poshtë
Sot mund të lexoni Shfletoni kopertinat