Ish-komandanti i UÇK-së: Thirrje publike për delegatët e Kuvendit të Kosovës

Aktuale

Ish-komandanti i UÇK-së: Thirrje publike për delegatët e Kuvendit të Kosovës

Nga: A.SH Më: 20 korrik 2025 Në ora: 07:23
Hafir Hoxha

Ish-komandanti i Ushtrisë Çlirimtare të Kosovës, Hafir Hoxha, ka reaguar ashpër ndaj ngërçit politik të krijuar në Kuvendin e Kosovës, pas 49 tentimeve të dështuara për zgjedhjen e kryetarit të Kuvendit.

Në një thirrje publike drejtuar delegatëve, ai ka shprehur shqetësimin për, siç e quan ai, “dhunën institucionale dhe presionin emocional” që po i bëhet qytetarëve.

“49 herë dështim për zgjedhjen e Kryetarit të Kuvendit?! Kjo nuk është demokraci. Kjo është dhunë institucionale, presion emocional dhe nënçmim e poshtrim ndaj sovranit!”, deklaron Hoxha.

Postimi i plotë:

Thirrje publike për delegatët e Kuvendit të Kosovës!

Ndalin dhunën psiqike dhe presionin politik ndaj votuesve!

49 herë dështim për zgjedhjen e kryetarit të Kuvendit?!

Kjo nuk është demokraci.

Kjo është dhunë institucionale, presion emocional dhe nënçmim e poshtrim ndaj sovranit!

Ju jeni aty me votën tonë – jo për pazare, jo për blof politik, por për të përfaqësuar interesin tonë!

“Mjaft me lojëra partiake!”

“Mjaft me shantazh dhe bllokada!”

“Mjaft me tallje me popullin!”

Koha për përgjegjësi ka ardhur!

Nëse nuk jeni në gjendje ta udhëhiqni Kuvendin dhe shtetin – lëshoni vendin” Mos e bllokoni vendin!

comment Për komente lëvizni më poshtë
Sot mund të lexoni Shfletoni kopertinat