Arrestimi i ish-ushtarit të UÇK-së, reagon eksperti i sigurisë: Nuk është rastësi – është pjesë...

Aktuale

Arrestimi i ish-ushtarit të UÇK-së, reagon eksperti i sigurisë: Nuk është rastësi – është pjesë...

Nga: A.SH Më: 22 korrik 2025 Në ora: 23:50
Lulzim Halili

Sot Serbia ka vënë në pranga edhe një ish-ushtar të Ushtrisë Çlirimtare të Kosovës.

Media serbe Novosti, thotë se Lulzim Halili nga Peja, është arrestuar sot në një aksion të BIA-së serbe në bashkëpunim me policinë serbe.

Pas kësaj ka reaguar, eksperti i sigurisë, Drizan Shala.

Ai thotë se kjo çfarë po bën Serbia nuk është rastësi – është pjesë e një loje të rrezikshme politike.

Sipas Shalës, Serbia po përpiqet të largojë vëmendjen nga arrestimi i Igor Popoviqit në Kosovë.

“Arrestimet e fundit janë reflektim i një doktrine të re të Serbisë që kombinon provokime të qëllimshme ndëretnike dhe propagandë të koordinuar shtetërore për të zhvendosur vëmendjen nga ekspozimi i rrjeteve të saj operative në Kosovë”.

Shkrimi i plotë:

“Doktrina e Re e Serbisë: Provokim dhe Propagandë"

Arrestimi i ish-luftëtarit të UÇK-së Lulzim Halili nga Serbia nuk është rastësi – është pjesë e një loje të rrezikshme politike.

Serbia po përpiqet të zhvendosë vëmendjen nga arrestimi i Igor Popoviqit në Kosovë dhe po rikthen narrativën e vjetër të UÇK-së për të ndezur tensione ndëretnike, për të ndikuar në Gjykatën Speciale dhe për të mobilizuar serbët për zgjedhjet e ardhshme.

Ky është një operacion klasik hibrid – me arrestime, provokime dhe propagandë.

Kosova nuk duhet të bie në këtë kurth. Ne duhet të jemi të qartë:

🔹 Lufta e UÇK-së ka qenë e drejtë dhe mbrojtëse.

🔹 Serbia nuk mund të barazohet me Kosovën në këtë proces.

🔹 Asnjë reagim emocional – vetëm maturi strategjike dhe përgjigje institucionale.

Prandaj arrestimet e fundit janë reflektim i një doktrine të re të Serbisë që kombinon provokime të qëllimshme ndëretnike dhe propagandë të koordinuar shtetërore për të zhvendosur vëmendjen nga ekspozimi i rrjeteve të saj operative në Kosovë.

Sepse :

6 ( AKI ) me 0 ( BIA ).

P.S

Po shfaqet një paradoks i rrezikshëm për sigurinë tonë kombëtare:

- Ne i ekspozojmë publikisht fytyrat, emrat dhe mbiemrat e operatorëve tanë të sigurisë – në media, portale e rrjete sociale – duke i bërë ata të cenueshëm për strukturat kundërshtare.

- Ndërkohë, Serbia i mbron me fanatizëm identitetet e operativëve të saj, duke ruajtur konspiracionin dhe mbrojtjen e tyre institucionale. Kjo praktikë duhet të marrë fund – sepse mbrojtja e personelit është mbrojtje e shtetit.

comment Për komente lëvizni më poshtë
Sot mund të lexoni Shfletoni kopertinat