PDK akuzon LVV për bllokadë, Çitaku: S’duan bashkëpunim, kërkojnë nënshtrim

Aktuale

PDK akuzon LVV për bllokadë, Çitaku: S’duan bashkëpunim, kërkojnë nënshtrim

Më: 24 gusht 2025 Në ora: 10:56
Deputetja e PDK-së, Vlora Çitaku

Deputetja e PDK-së, Vlora Çitaku ka thënë se moskonstituimi i Kuvendit është papërgjegjësi totale e Lëvizjes Vetëvendosje.

Para fillimit të seancës ajo u shpreh para gazetarëve se LVV nuk dëshiron bashkëpunim e as kompromis.

“PDK që nga dita e parë ka qenë konsistente dhe i ka kontribuuar frymës së bashkëpunimit që institucionet të konstituohen sa më parë. Fatkeqësisht kemi pasur një qasje të papërgjegjshme nga LVV, ata nuk duan bashkëpunim e kompromis, ata duan nënshtrim nga deputetët. Duan që ne ti nënshtrohemi vullnetit dhe papërgjegjësisë së Albin Kurtit. Kryesuesi ka qenë në shkelje të Kushtetutës. Ne i kemi dhënë opsionet tona të qarta”, tha Çitaku.

Ajo shtoi se shpresojnë ende që Albin Kurti do të reflektojë sepse Kosova ka shumë halle. 

comment Për komente lëvizni më poshtë
Sot mund të lexoni Shfletoni kopertinat