Radoiçiq kërcënon qytetarët serbë që morën pjesë në protestat kundër Vuçiqit

Aktuale

Radoiçiq kërcënon qytetarët serbë që morën pjesë në protestat kundër Vuçiqit

Më: 23 shtator 2025 Në ora: 20:28
Milan Radoiçiq

Grupi qytetar “Njerëz të Pastër për një Kosjeriq të Pastër” ka denoncuar se Milan Radoiçiq, ish-nënkryetar i Listës Serbe dhe i shpallur në kërkim nga autoritetet e Kosovës për sulmin terrorist në Banjskë.

Sipas mediumit serb Danas, Radoiçiq ka kërcënuar vazhdimisht qytetarët në një fshat në Serbi, për pjesëmarrje në protestën kundër presidentit Aleksandar Vuçiq.

Sipas dëshmitarëve, Radoiçiq u shoqërua nga rojë sigurie dhe zyrtarë lokalë, përfshirë kryetarin e komunës, Zarko Dokiq, si dhe këshilltarët Dalibor Vujiq dhe Slobodan Dukiq.

Në një deklaratë për media, grupi qytetar kërkoi reagim urgjent nga prokuroria, policia dhe shërbimet e sigurisë, për të garantuar mbrojtjen e qytetarëve.

“Nuk kemi frikë. Lufta për një Kosjeriq të lirë, të sigurt dhe të drejtë do të jetë vetëm më e vendosur dhe këmbëngulëse pas kësaj ngjarjeje,” thanë përfaqësuesit e grupit.

comment Për komente lëvizni më poshtë
Sot mund të lexoni Shfletoni kopertinat