Ish-polici Arbnor Spahiu lirohet nga burgu në Serbi

Aktuale

Ish-polici Arbnor Spahiu lirohet nga burgu në Serbi

Më: 21 nëntor 2025 Në ora: 22:58 Përditësuar në ora: 23:47 më 21.11.2025
Ish-polici Arbnor Spahiu

Lirimi i ish-policit Arbnor Spahiut, avokati Koci: S’ishte e lehtë por ia dolëm

Tashmë është njoftuar se ish-polici Arbnor Spahiu është liruar nga burgu në Serbi të premten.

Për këtë ka reaguar edhe avokati i Spahiut, Arianit Koci. Ky i fundit ka thënë se Spahiu është i lirë pas një padrejtësie të rëndë, dhe muajsh të gjatë ankthi.

‘‘U LIRUA!

Ish-polici Arbnor Spahiu u lirua nga burgu i Serbisë.

Sot, pas muajsh të gjatë ankthi, pas një padrejtësie të rëndë – Arbnor Spahiu është i lirë. E kam thënë që në ditën e parë: do të kthehet.

Nuk ishe lehtë, por ia dolëm!’’, ka shkruar ai.

Ish-polici Arbnor Spahiu lirohet nga burgu në Serbi

Ish-polici Arbnor Spahiu është liruar nga burgu në Serbi të premten, kanë konfirmuar familjarët e tij.

Familjari Shkëlzen Spahiu ka shkruar në Facebook se Arbnori ka hyrë në Kosovë gjatë mbrëmjes së sotme.

“Arbnor Spahiu sapo ka shkelur tokën e Republikës së Kosovës. Ju falënderojmë në emër të familjes për përkrahjen që na keni dhënë në këto ditë të vështira. Arbnori është mirë me shëndet. Urojmë që ky të jetë rasti i fundit për shtetasit tanë”, ka shkruar ai.

Arbnor Spahiu ishte arrestuar më 7 qershor të këtij viti nga policia serbe në pikën kufitare duke hyrë nga Hungaria për në Serbi.

Autoritetet e drejtësisë në Serbi i kishin dhënë fillimisht Arbnor Spahiut 1 muaj paraburgim, duke ia vazhduar pastaj disa herë këtë masë nën akuzën për vrasje të rëndë.

Autoritetet në Serbi e kanë akuzuar Arbnor Spahiun për vrasje në rastin Banjska, që kishte ndodhur në veri të vendit në vitin 2023, ku kishte mbetur i vrarë edhe polici Afrim Bunjaku.

comment Për komente lëvizni më poshtë
Sot mund të lexoni Shfletoni kopertinat