LDK në Vushtrri me peticion për rikthimin e Xhafer Tahirit kryetar

Aktuale

LDK në Vushtrri me peticion për rikthimin e Xhafer Tahirit kryetar

Më: 1 dhjetor 2025 Në ora: 13:51
Xhafer Tahiri

Dega e LDK-së në Vushtrri ka bërë peticion nëpërmjet të cilit kërkon kthimin e Xhafer Tahirit në krye të degës.

“Ky peticion është nënshkruar nga 203 anëtarë të strukturës së Degës së LDK-së, ku përfshihen: themeluesit e Degës, asambleistët e zgjedhur, anëtarët e Kryesisë, kryetarët e Nëndegëve, komisionerë, vëzhgues dhe aktivistë të Degës”, thuhet në njoftimin e degës.

Bëhet e ditur se ky peticion është dorëzuar nga Sekretari i Degës, Nënkryetarët dhe Sekretari Organizativ drejt selisë qendrore të LDK-së.

Xhafer Tahiri kishte dhënë dorëheqje pak ditë më parë nga posti i kryetarit të degës. Ai kishte lidhur koalicion me Lëvizjen Vetëvendosje para zgjedhjeve të balotazhit pa aprovim të zyrës qendrore të LDK-së. Kjo kishte shkaktuar polemika të shumta brenda partisë.

Ndërkohë LDK kishte autorizuar Adnan Lahun dhe Fisnik Bashollin të bashkëmenaxhojnë Degën në Vushtrri. 

comment Për komente lëvizni më poshtë
Sot mund të lexoni Shfletoni kopertinat